Хийн түлшний захиалга, бөөний худалдаа
Олон төрөлт хийн түлш нийлүүлэлтээрээ Япон улсад тэргүүлэгч Сайсан компанийн “Нөү-Хау” болон Монгол инженер, техникийн ажилтнуудынхаа хуримтлуулсан олон жилийн туршлагад үндэслэн, Улаанбаатар хотын томоохон сүлжээ ресторан, худалдааны төвүүд, зочлох үйлчилгээний байгууллагууд, эмнэлэг, лабораториуд, боловсролын байгууллагууд гэх мэт 500 гаруй харилцагчдадаа аюулгүй ажиллагааг бүрэн хангасан, чанарын өндөр түвшинд хольж бэлтгэсэн хийн түлш нийлүүлэн хамтран ажиллаж байна.Ерөнхий танилцуулга
Манай компани хэрэглэгчийн эрэлт хэрэгцээнд нийцүүлэн, БНХАУ-д үйлдвэрлэгдсэн 50 кг, 14 кг, 10 кг, 5 кг, 3 кг -ын багтаамжтай баллонуудад ШНХийг цэнэглэн түгээхийн зэрэгцээ ОХУ, БНСУ, Япон зэрэг орнуудаас 20 кг, 50 кг багтаамжтай, аюулгүйн хавхлагатай, хий шингэний хоёр амсартай баллонуудыг хэрэглэгчийн захиалгаар нийлүүлж байна.Баллонуудаа тогтмол шинэчилж, баталгаат хугацааны хэтрэлтгүй ашиглахад хяналт тавьдаг ба Хятад улсын GB стандартын дагуу үйлдвэрлэгдсэн баллоныг 8 жил ашигласан бол дараагийн сунгалтыг 3 жилийн хугацаатайгаар өөрийн цэнэглэх цэгт баталгаажуулан, хэрэглэгчийн аюулгүй байдлыг хангадаг. Олон улсын ISO стандартын баллонуудыг хэрэглэгчид маань илүү урт хугацаанд буюу 15 жил хүртэл хугацаанд ашиглах боломжтойгоороо давуу талтай.